He Whakahaere Karakia hei Awhi i te Whanau (Prayer for the family)

Mihi ki te whanau

Ta tatou Hïmene;  Te Houora

E te Tamaiti a te Atua,
Matua ora , Arikinui,
Titiro mai ra e te Atua,
nga mamae tonu nga pöuri nui,
Kaua e huri
me hömai ra koe
he huarahi oranga e.

Anei ra matou o tamariki,
te inoi atu to ingoa Tapu
Hōmai ra e koe te whakapono
Wairua Tapu whakaaro pai
No reira ra e te Arikinui
titiro mai ra aroha mai
Titiro mai ra arohao mai.  Āmine.

Karakia Whakapai Ngäkau

Kia inoi tatou katoa

E te Atua Kaha Rawa,
E tuwhera ana nga ngakau katoa ki a koe,
E mohiotia ana nga hiahia katoa,
E kore hoki e ngaro i a koe te mea huna;
Horoia o matou whakaaro e to Wairua Tapu,
Kia pono ai to matou aroha ki a koe,
Kia tika ai te whakanui i tou Ingoa Tapu,
Ko Ihu Karaiti hoki to matou Ariki.   Āmine. 

He Inoi mo te Whanau

E te Atua kaha rawa
Tenei te tuku whakawhetai ki a koe
Mo tenei huihuinga a te whanau
Me nga hoa o te whanau i tae mai
A mo tenei pononga au
Kua eke nei ki te waru tekau tau i tenei ra.
Tiakina te whanau ka hokihoki
nei ki o ratou kainga i tenei ra.
Tukua iho o anahera hei arataki hei manaaki
i a ratou i runga i nga huarahi
kia tae pai räno ratou ki te o ratou kainga;
Kia tata mai koe ki nga mea e mauiui ana,
Kei roto i nga hohipera a ki te whaea ki a Wini,
Kia whakamamatia nga taimaha kei runga kei a ia
A kia piki te ora ki runga ki a ia;
E inoi ana matou mo era e
mohiotia ana e matou
E pehia ana e te mamae, e te pouri ränei,
Uhia atu ratou ki to Wairua Tapu äianei
A mo nga ra kei mua i a ratou.
Tiakina anö hoki matou e pae nei,
kia noho ora tonu
Kia aroha tetahi ki tetahi,
kia tuku tonu i te whakamoemiti
i te koröria ki te Matua i te rangi
Ko Ihu Karaiti hoki to matou piringa
To matou Kaiwhakaora . Āmine.

Kua akona nei tatou e to tatou Ariki ka inoi tatou…

E tō mātou Matua i te rangi
Kia tapu tōu Ingoa.
Kia tae mai tōu rangatiratanga.
Kia meatia tāu e pai ai
ki runga ki te whenua,
kia rite anō ki tō te rangi.

Hōmai ki a mātou āianei
he taro mā mātou mō tēnei rā.
Murua ō mātou hara,
Me mātou hoki e muru nei
i ō te hunga e hara ana ki a mātou.

Āua hoki mātou e kawea kia whakawaia;
Engari whakaorangia mātou i te kino:
Nōu hoki te rangatiratanga, te kaha,
me te korōria,
Āke ake ake.    Āmine.

Ta tatou hïmene: Whakarongo ki te kupu

Whakarongo ki te kupu,
No ko mai, no Kawari;
Motu ke nga pukepuke,
Koara pu te ao katoa.
Oti rawa Tana whakaoranga. 

Oti rawa! Ae te hari
O te kupu ora nei;
Tini aua pai a Ihu
Tenei ra te puta nei.
Oti rawa!
Tenei ki maharatia.

Tena, e nga Herapima,
Tatou nei ka waiata
Ki a Ihu, te Ariki
O te rangi, o te ao.
Hareruia!
Mona i kohurutia.  Āmine.

He Pänui

Kia inoi tatou

E Ihowa kei o matou taha
tonu koe ia ra ia ra
Kaore matou e waihotia
kia noho mokemoke,
Ko koe e mohio ana ko wai matou,
he aha o matou hiahia.
Ka aru matou ki te oranga whaihua,
ki te oranga harikoa,
Kia waihotia  ake nga
whakataimaha i a matou.
Kia tata tonu mai koe
hei awhi i a matou e te Ariki;
Tukua mai te kaha
mo nga wa kotiti haere,
mo nga wa ngoikore nga ngäkau;
Äwhinatia matou
kia whakakiia ia ra
ki te rangimarie mo matou,
a, ki te aroha mo etahi atu.
Ka inoi matou i runga
i te ingoa o te Karaiti.  Āmine.

O God, you walk with us day by day.
We are never alone.
You know who we are
and you know our needs.
We long for life which
is abundant and joyful.
We want to leave behind us
all things that hold us back.
Be with us and comfort us O God.
Give us strength for the difficult times
when it is hard to be positive.
Help us to live each day as it comes
with gentleness for ourselves
and compassion for others.
We pray in Jesus’ name.  Amen.

Ta tatou Hïmene whakamutunga;

He Touched Me
Shackled by a heavy burden
Neath a load of guilt and shame
Then the hand of Jesus touched me
And now I am no longer the same.

He touched me oh he touched me
And oh the joy that filled my soul,
Something happened and now I know
He touched me and made me whole.

Since I met my blessed Saviour
Since He cleansed and made me whole,
I will never cease to praise Him
I’ll praise Him while eternity rolls.

I roto i te tohu o te hë
I nga whakawaitanga e
Ka pa mai te ringa o te Ariki
Ka hotuhotu te manawa.

Ha tohu ha tohu wairua
Tiaho mai ra nga wheteu
Te tümanako kia puawai ra,
He tohu mo te Ariki nui.

I piri at au ki te Ariki
Ka horoia öku hara e,
E kore au e wareware
Ka tuku whakamoemiti e.

He tohu he tohu wairua
Tiaho mai ra nga whetü
Te tümanako kia puawai ra
He tohu mo te Arikinui.  Āmine.

Te Manaaki

Ma te marie a te Atua
E kore nei e taea te whakaaro
E mea o koutou ngakau o koutou hinengaro
Kia u i runga I te matau
Ki to tatou Ariki a ki tana Tama ki a Karaiti Ihu;
Kia mau kia tau iho ki a koutou katoa
nga manaakitanga a te Atua kaha rawa,
a te Matua , a te Tama, a te Wairua Tapu
Aianei a mo ake tonu atu.  Āmine.

Haere I runga I te aroha, haere I runga I te rangimarie.

Āmine. Ka haere matou I runga I te ingoa o te Karaiti.
Kororia ki te Atua!

 

He Whakahaere Karakia Hei Awhi I te Whanau
Na Ngahinu Tricklebank I Kohikohi